2019ம் ஆண்டு இன்றுடன் நிறைவடைகிறது. இந்த ஆண்டு வெளியான படங்களில் எந்தெந்த நடிகைகள் ரசிகர்களை தங்களின் அசத்தலான நடிப்பால் கவர்ந்தார்கள் என்று பார்ப்போம். விஸ்வாசம் படத்தில் அஜித் மனைவியாக நடித்த நயன்தாரா ரசிகர்களை கவர்ந்தார். காதலியாக இருந்தபோதும், தாயான போதும், மகளுக்காக கணவரை பிரிந்து வாழ்ந்தபோதும் தனது நடிப்பை சிறப்பாக வெளிப்படுத்தியிருந்தார். திமிராகவும் இருக்க முடியும், பாசமாகவும் நடக்க முடியும் என்று காட்டினார்.
ரத்ன குமார் இயக்கத்தில் வெளியான ஆடை படத்தில் அமலா பால் ஆடையில்லாமல் நடித்து ரசிகர்களை அதிர வைத்தார். ஒரு கதாபாத்திரத்திற்காக தமிழ் நடிகைகள் எடுக்காத ரிஸ்க் எடுத்திருந்தார் அமலா. அவர் நடித்திருந்த கதாபாத்திரத்தில் நடிக்க பிற நடிகைகள் யோசிக்கும்போது துணிந்து நடித்து கைதட்டல்களை பெற்றார்.
